Путин РСМД шартномасидан чиқмоқчи бӯлган АҚШни огоҳлантирди
2018 йилнинг 20 октябр куни АҚШ президенти Дональд Трамп Кичик ва ўрта масофа ракеталарини йўқ қилиш ҳақидаги (РСМД) шартномадан чиқиши мумкинлигини эълон қилган эди. Бу хабар ушбу шартноманинг муқобил томони бӯлган Россиянинг салбий муносабатларига сабаб бӯлди.
Россия президенти Владимир Путин душанба куни Мудофаа вазирлигининг юқори ловозимли мулозимлари билан учрашувида изҳор этди: Американинг РСМД шартномасидан чиқиши, албатта Россия томонидан жавобсиз қолмайди. Агар Америка бу шартномадан чиқмоқчи бӯлса, Россия ҳам муносиб чора-тадбирларни кӯради.
Путиннинг нуқтаи назарига кӯра, Американинг РСМД шартномасидан чиқишидан мақсади, бу Россияни янги қурол пойгасига тортишдир.
Россия расмийлари Американинг ракета ишлаб чиқариш соҳасини ривожлантириш бӯйича ӯйинига Америка РСМД шартномасидан чиққан тақдирда ҳам қӯшилишни номумкин деб билди.
Зеро, бундай ҳолда Россия ҳозирги мавжуд иқтисодий манбаларини бу соҳага жалб қилишига тӯғри келади.
Бу орада Россия АҚШнинг Кичик ва ўрта масофа ракеталар (РСМД) шартномасидан чиқиш ҳақидаги режаларини қўллаб-қувватламайди, деди Россия ташқи ишлар вазири ўринбосари Сергей Рябков.
Рябковнинг сӯзларига кӯра АҚШ олдин келишилган хавфсизлик шартномаларидан бир томонлама равишда чиқишда давом этаверса, Россия ҳам бунга керакли жавоб чораларини кўради.
Сиёсатчи фикрига кўра, сиёсий тортишувларни ушбу хавфсизлик шартномасидан чиқишни рўкач қилиш йўли билан ҳал қилиб бӯлмайди. РСМД шартномаси – бу жуда жиддий масала,-- деди у.
2018 йилнинг 20 октябр куни АҚШ президенти Дональд Трамп СССР билан 80- йилларда имзоланган Кичик ва ўрта масофа ракеталарни йўқ қилиш ҳақидаги шартномадан чиқиши мумкинлигини эълон қилган эди. Трамп ўшанда Москвани ушбу шартномани бузишда айблаган.
Кичик ва ўрта масофа ракеталар (РСМД) ишлаб чиқармаслик ҳақидаги шартнома АҚШ ва СССР орасида 1987 йилнинг 8 декабрида Михаил Горбачев ва Рональд Рейген томонидан имзоланган эди.
Шартномага кўра икки давлат ҳам 500, 1000, ва 5500 км масофага учадиган ракеталарни йўқ қилиши шарт эди. СССР 1991 йилнинг май ойида 1752та ракетани йўқ қилди. АҚШ эса – 859та. Шартноманинг якунланиш муддати йўқ, лекин бир томон уни бузганда ва иккинчи томон буни исботлаб берганда шартномадан чиқиши мумкин.
Ваҳоланки, 1987 йилда имзоланган шартномага кўра СССР ва АҚШ ушбу турдаги ядровий ракеталарни мутлақ йўқ қилиб ташлашлари керак эди. Россия, Украина, Қозоғистон ва Беларус ушбу шартларни 1993 йилда бажаришган.
