Трампнинг янги даъвоси: Фақат мен учинчи жаҳон урушининг олдини олишим мумкин
-
Трампнинг янги даъвоси: Фақат мен учинчи жаҳон урушининг олдини олишим мумкин
АҚШнинг собиқ президенти Доналд Трамп 2024-йилги сайловларда ўз номзодини қўйишда давом этишини таькидлаб, учинчи жаҳон урушининг пайдо бўлишининг олдини оладиган ягона шахс эканлигини иддио қилди.
Америка Республикачилар партиясининг бир қатор номзодлари кўпроқ овоз олиш учун ички партиявий сайловларга мос равишда нутқ сўзлади.
“CНН” телеканалининг хабар беришича, бу ҳақда Доналд Трамп Мериленд штатидаги “Консерватив сиёсий ҳаракатлар қўмитаси конференсияси” (CПАC)даги нутқида маьлум қилди:Агар у тергов қилинаётган федерал ёки штат ишларидан бирида айбланса ҳам, у 2024 йилги АҚШ президентлиги учун сайлов рақобатларидан чиқмайди.
АҚШнинг собиқ президентига нисбатан бир қанча суд ишлари қўзғатилган, жумладан, унинг ва унинг иттифоқчиларининг Жоржиядаги 2020-йилги президентлик сайлови натижаларини ўзгартиришга уринишлари, 2021-йил 6-январда АҚШ Конгрессига уюштирилган ҳужум ва унинг Флоридадаги қароргоҳидан махфий ҳукумат ҳужжатларининг топилиши.
Трамп киноя билан АҚШнинг амалдаги президенти Жо Байденга ҳам шундай деди: Байден бизни “унутиш” сари етаклаяпти ва бошқа республикачилар бу йўлни тўғрилашга қодир эмас. Мен учинчи жаҳон урушининг олдини олишга ваъда бера оладиган ягона номзодман.
Ушбу конференция иштирокчилари ўртасида ўтказилган сўровда Трамп 62% овоз билан 2024 йилги президентлик сайловларида Республикачилар партиясидан номзод сифатида биринчи танлови бўлди. Ундан кейин партия ички сайловларида Трампнинг асосий рақиби деб аталган Рон Десантес йиғилганларнинг атиги 20% овозини қўлга киритди.
