Табиатнинг энг гўзал манзаралари(1)

Ўзининг ажойиб таровати, гўзал манзараси билан кишини ўзига жалб этадиган ажойиб тоғли маконлар, улкан чўл ва биёбонлар, улуғвор жойлар… Буларнинг барчаси кишини ҳайратга солиши аниқ. Уларнинг чекcизлигидан инсон ўзини жуда кичик бир заррадек ҳис этади…

Бундай жойларда инсон ўзининг барча муаммо ва ташвишларини, уни қийнаётган кечинмаларини батамом унутад. Юрагига бир зум қулоқ тутади. Ўз-ўзини тинглай бошлайди…

Сизга намойиш этмоқчи бўлган масканларимиз ана шундай сокин ва ўзининг сержилолиги билан сизнинг кўнглингизга йўл топа оладиган жойлардир. Ишонинг, бу жойларда гўёки вақт ҳам тўхтаб қолгандек…

Пик-Дистрикт, Буюк Британия. (Сурат:Ken Hircock/flickr.com)

Пик-Дистрикт марказий ва шимолий Англиядаги Пеннин тоғларининг жанубий қисмидаги энг машҳур жойдир.  Пик-Дистрикт қисман Дербишир графлигида жойлашган бўлиб, тепаликлар довонлар ва чексиз ботқоқликлардан иборат гўзал жойдир.

Бу ер пиёда сайр қилишни, велосипеда учишни яхши кўрадиган инсонлар учун энг яхши жойдир. Маскан энг узун сайёҳлик қатнов йўли бўлиб, саёҳат 431 километрни ташкил этади. (Сурат:Andi Campbell-Jones/flickr.com)

Намиб чўллари. Намибия. (Сурат: Кovac`s/flickr.com)

Намибияга ташриф буюрган барча сайёҳлар сайёрамиздаги энг қадимги Намиб чўлини ажойиб манзараси ва ҳавф хатардан ҳоли жойлиги учун ҳам томоша қилишни яхши кўришади. Ушбу чўл Антлантика океанининг қирғоқларида жойлашган бўлиб, ҳеч шубҳасиз сайёрамизнинг энг ноёб жойларидан ҳисобланади.

Дунёнинг ҳеч бир бурчагида бу каби баланд қумтепаликлар учрамайди. 300 метр баландликдаги қум тепаликлар шафақ каби қип-қизил ва жигарранг кўринишда намоён бўлади. Чўл эртакларда тасвирланадиган жойларни эслатади ва унинг чегараси улкандир. (30 километрдан ортиқроқ). Намиб чўлининг майдони 81 000 квадрат километрни ташкил этади ва бу рақамни Чехия билан солиштирса бўлади. (Сурат:Jordicerda52/flickr.com)

Доломитлар. Италия. (Сурат: Remigiusz Agatowski/flickr.com)

Доломит қоялардан иборат бўлиб, минераллар, бир неча қисмларга бўлинган чуқур водийлар, баланд тепаликлар билан машҳурдир. Минг йиллар илгари емирилиш натижасида пайдо бўлган баланд-баланд қиррали қоя ва тоғларни томоша қилар экансиз, улар ҳаёлингизда худди осмонни тешиб ўтгандек туюлади.

Ушбу Доломитларнинг ноодатийлиги шундаки, манзаралар тип-тиниқ, аниқ ва равшан намоён бўлади, ҳаттоки бир-бирига туташган қоялар ҳам. (Сурат: (Фото: Remigiusz Agatowski/flickr.com)

Ландманналойгар, Исландия. (Сурат:euskadi69/flickr.com)

Исландияда Гекла вулқонидан унча йироқ бўлмаган манзилда ажойиб бир жой бор, бу – Ландманналойгар. Айнан мана шу ерда худди товоқда қайнаб тургандек иссиқ чашма отилиб туради. Унинг атрофидаги манзара, бир-биридан чиройли, рангли тошлар  эса, кўзни қувонтиради.