Papa Ermənistan və Azərbaycan arasında sülh razılaşmasını dəstəklədi
Papa XIV Leo Ermənistan və Azərbaycan arasında əldə olunan sülh razılaşmasını yüksək qiymətləndirərək onu ümidverici adlandırıb.
Dini çıxışı zamanı o, dünya liderləri və qərarvericilərə müraciət edərək, müharibə əvəzinə sülh yolu ilə həll yolları tapmaq üçün məsuliyyət götürməyə çağırıb.
ABŞ tərəfindən Xirosima və Naqasakinin bombalanmasının 80-ci ildönümünü xatırladan katoliklərin ruhani lideri, müharibənin qəti şəkildə rədd edilməsinin vacibliyini vurğulayıb və bildirib ki, hakimiyyət sahibləri hər zaman qərarlarının insanların həyatına təsirini nəzərə almalı, ən həssas təbəqələrin ehtiyaclarını görməzlikdən gəlməməlidirlər.
O, Ermənistanın baş naziri Nikol Paşinyan və Azərbaycan prezidenti İlham Əliyev arasında imzalanan razılaşmanı Cənubi Qafqazda davamlı sülhə doğru mühüm addım adlandırıb.
