Həbsdə olan siyasi fəal HƏMAS liderinin şəhadətinə münasibət bildirdi
Tale Bağırzadə: Sinvar gerçək mübarizə nümunəsi idi
Okt 21, 2024 20:53 Asia/Baku
Azərbaycan Müsəlman Birliyi Hərəkatının lideri HƏMAS lideri Yəhya Sinvarın şəhadətinə münasibət bildirib.
Bu barədə hərakatın media vasitələri məlumat yayıb.
Hacı Tale Bağırzadə bəyanatında yazır: “22 illik həbs həyatının rəşadətli qəhrəmanı Yəhya Sinvarın son şəhadət anında mübariz duruşu Qəzzə adlı bir xalq, Müsəlman adlı bir ümmət, İslam adlı bir dinin sonsuz qüdrətinin aydın təzahürü idi. O, imkanların deyil, məhrumiyyətlərin varlığından vətənpərvərlik əsərini şəhid qani ilə yazan mübarizə nümunəsi idi”.
T.Bağırzadə qeyd edir ki, Sinvarın son nəfəsində atdığı taxta parçası həqiqətdə dünyanın imperalist güclərinə doğru ünvanlanan etiraz idi. O, bu addımı ilə Fələstinin azadlıq yolunda olan maneələrini aradan qaldırdığını nümayiş etdirdi.
