Pars Today

İranın BMT-dəki səfiri və daimi nümayəndəsi bu təşkilatın baş katibinə və Təhlükəsizlik Şurasının sədrinə ünvanladığı məktubda ABŞ prezidentinin İsrail rejiminin Tehrana qarşı ehtimal olunan fitnəkarlığının zaman cədvəlindən xəbərdar olması barədəki sözlərini son dərəcə nigaranedici və təhrikedici adlandırıb.

İranın BMT-dəki səfiri və daimi nümayəndəsi Əmir-Səid İrəvani yerli vaxtla bazar ertəsi günü BMT baş katibinə və Təhlükəsizlik Şurasının sədrinə ünvanladığı məktubda belə yazıb: Co Baydenin bu təhrikedici sözləri son dərəcə nigaranedicidir, zira, Birləşmiş Ştatların İsrail rejiminin İrana qarşı qanunsuz hərbi təcavüzünə aşkar dəstəyi və dolayısı ilə təsdiqini göstərir. Bu kimi sözlər həmçinin Birləşmiş Ştatların regionda gərginliyin azaldılmasına dəstəyə dair ardıcıl iddiaları ilə təzad təşkil edir.

İrəvani əlavə edib: Bundan başqa, Birləşmiş Ştatların/  İsrail rejiminin İrana qarşı təcavüzkarcasına hücumlar həyata keçirmək üçün daha çox cəsarətlənməsi və təhrik olunmasına səbəb olan sözügedən rejimi modern hava hücumundan müdafiə sistemləri də daxil olmaqla modern silahlar və texniki köməklərlə təchiz etmək yolu ilə məsələyə qarışması,/ ABŞ hökumətinin Qəzzədə və Livanda mülkilərə və mülki infrastrukturlara qarşı cari soyqırım kampaniyasında və hərbi cinayətlərdə əlbir olduğu kimi,/ İran əleyhinə hər hansı təcavüzdə və onun nəticələrində sionistlərlə əlbir olmasına səbəb olacaq.

İrəvani vurğulayıb: Buna görə, Birləşmiş Ştatlar/ İsrail rejiminin İran İslam Respublikasına qarşı hər hansı təcavüzkarcasına hərəkətə təhrik və təşviq edilməsi, həmçinin bu hərəkətlərin asanlaşdırılması sahəsindəki rolunun tam məsuliyyətini qəbul etməlidir.

İrəvani sözügedən məktubda daha sonra belə qeyd edib: İran İslam Respublikası BMT Təhlükəsizlik Şurasından istəyir ki, Amerikanın bu ehtiyatsız təhrikini açıq şəkildə pisləsin və şuranın daimi üzvlərindən biri kimi Birləşmiş Ştatlardan/ beynəlxalq hüquq və BMT Nizamnaməsi üzrə öhdəliklərinə əməl etməsini tələb etsin.