Parlamentin Milli Təhlükəsizlik Komitəsinin sədri: Danışıqlar geri çəkilmək demək deyil

 İran İslam Respublikasının danışıqlar tarixçəsinə toxunan Parlamentin Milli Təhlükəsizlik və Xarici Siyasət Komitəsinin sədri İbrahim Əzizi bildirib ki, bəzi insanlar danışıqları geri çəkilmə kimi qəbul edirlər, halbuki bu, yanlış baxışdır. Onun sözlərinə görə, İran bütün dövrlərdə danışıqlara güclü şəkildə qatılıb və prinsiplərinə sadiq olduğunu sübut edib, amma qarşı tərəf dəfələrlə öhdəliklərini pozub.

Əzizi bazar günü jurnalistlərlə keçirdiyi mətbuat konfransında vurğulayıb ki, İran İslam Respublikası heç vaxt dialoqdan və danışıqlardan çəkinməyib. Biz göstərmişik ki, qarşı tərəf öz öhdəliklərinə sadiq qalmır, ABŞ isə danışıqlar masasını öz şeytani məqsədlərini davam etdirmək üçün bir vasitə kimi görür – deyə o bildirib.O, danışıqların davamının yalnız qarşı tərəfin prinsiplərə riayət etməsinə bağlı olduğunu qeyd edərək deyib: Yeni danışıqlar raundunun vaxtı və yeri hələ müəyyənləşməyib, hətta araşdırmaların nəticəsi belə ola bilər ki, öhdəliyə əməl etməyən tərəflə danışıqlar aparmaq yolverilməzdir.Milli Təhlükəsizlik və Xarici Siyasət Komitəsinin sədri vurğulayıb ki, uranın zənginləşdirilməsi hüququ İran xalqının ayrılmaz haqqıdır: Zənginləşdirmənin əsas prinsipi barədə heç vaxt danışıqlar aparmayacağıq, amma zənginləşdirmənin miqdarı və faizi haqqında müzakirə edilə bilər.Əzizi nüvə sənayesini əczaçılıq, dərman, duzsuzlaşdırma qurğuları istehsalı, kənd təsərrüfatı və zərərvericilərlə mübarizə kimi sahələrdə mühüm tətbiqləri olan həyati sənaye adlandırıb və bu potensialdan İran xalqı məhrum edilə bilməz.