Əraqçi: Qəzzada törədilən soyqırımı və İrana qarşı təcavüzü pisləmək mənəvi borcdur
Yunanıstanın ev sahibliyi ilə müxtəlif ölkələrin rəsmilərinin iştirakı ilə Qədim Sivilizasiyalar Forumu keçirilib və BMT Baş Assambleyasının illik sessiyasında iştirak etmək üçün Nyu-Yorka səfər edən xarici işlər naziri Seyid Abbas Əraqçi iclasda çıxışı zamanı deyib: Qəzzada törədilən soyqırımı və ölkəmə qarşı törədilən hərəkətləri açıq şəkildə pisləmək mənəvi borcdur.
İclasda İran, Misir, Yunanıstan, İraq, Meksika, Boliviya, Peru, Ermənistan və Çinin xarici işlər nazirləri iştirak ediblər.Əraqçi çıxışında deyib: Müstəmləkəçilik, müharibə və qeyri-qanuni qazıntılar nəticəsində talan edilmiş bütün mədəni sərvətlərin öz haqq sahiblərinə qaytarılması üçün beynəlxalq hüquqi çərçivələri gücləndirməliyik. Biz həmçinin mədəni turizmin potensialını davamlı inkişaf və insanlar arasında qarşılıqlı əlaqə üçün hərəkətverici qüvvə kimi qəbul edirik. İnkişaf prosesində xalqlarımızın qədim abidələri dünyaya qarşılıqlı anlaşma, hörmət və dialoqun gücləndirilməsi üçün unikal imkanlar təklif edir.O vurğulayıb: "Son iki ildə dünya İsrail aparteid rejiminin Qəzzanın Fələstin xalqına, qədim tarixin və canlı mədəniyyətin əsl varisi olan xalqa qarşı dəhşətli soyqırımına və davamlı təcavüzünə şahid olub. Bu, sadəcə olaraq siyasi mübahisə deyil, sivilizasiyaya ekzistensial hücumdur".
