Avropa Şurasının Prezidenti İranla diplomatiyanın davam etdirilməsinə təkid etdi
Avropa Şurasının Prezidenti BMT Baş Assambleyasının Nyu-Yorkda keçirilən iclası çərçivəsində İran İslam Respublikasının Prezidenti Məsud Pezeşkian ilə görüşdən sonra vurğulayıb: İranla fikir ayrılığı mövzularını həll etmək üçün danışıqların davam etdirilməsi zəruridir.
IRNA-nın cümə axşamı yaydığı məlumata görə, Antonio Koşta X sosial şəbəkəsində paylaşdığı mesajında yazıb:Bu gün İran Prezidenti cənab doktor Pezeşkianla ətraflı bir söhbət apardım.O, ölkəmizin sülhməramlı nüvə proqramı və İranın Ukrayna müharibəsinə guya müdaxiləsi ilə bağlı siyasi iddiaları təkrarlayaraq əlavə edib:Bu məsələlərə baxmaq və onları həll etmək üçün danışıqların davam etdirilməsinin zəruri olduğu barədə razılaşdıq.Avropalı rəsmi, mövcud vəziyyətə hansı tərəfin səbəb olduğuna toxunmadan əlavə etdi:Nyu-Yorkda nüvə məsələsi ilə bağlı aparılan danışıqları nəzərə alaraq, Prezident Pezeşkianla görüşümdə ondan xahiş etdim ki, hətta bu mərhələdə belə, Atom Enerjisi üzrə Beynəlxalq Agentliklə tam əməkdaşlıq istiqamətində aydın və praktiki addımlar atsın.Pezeşkian da bu görüşdə deyib: İran heç vaxt müharibə və qarşıdurma istəmir.O qeyd edib:İran İslam Respublikası dostluq və konstruktiv münasibətləri dəstəkləyən bir ölkədir və fikir ayrılıqlarını dərinləşdirməmək üçün problemlər, maneələr və narahatlıqları aradan qaldırmaq məqsədilə dialoq və anlaşmaya hazırdır.
