Əraqçi: 2231 saylı qətnamə oktyabrın 18-də qüvvədən düşmüş hesab edilməlidir

İranın nüvə proqramı ilə bağlı 2231 saylı qətnamə və orada nəzərdə tutulan bütün məhdudiyyətlər "Oktyabrın 18-də" ləğv edilmiş hesab edilməlidir.

İranın nüvə proqramı ilə bağlı 2231 saylı qətnamə və orada nəzərdə tutulan bütün məhdudiyyətlər "Oktyabrın 18-də" ləğv edilmiş hesab edilməlidir.

İran tele-radio Agentliyinin məlumatına görə, bunu xarici işlər naziri Seyid Abbas Əraqçi Nyu-Yorka səfəri çərçivəsində BMT-nin baş katibi Antonio Quterreşlə görüşü zamanı deyib.

Bu görüşdə XİN rəhbəri Qərbi Asiya regionunda baş verən hadisələr, xüsusilə sionist rejimin beynəlxalq sülh və sabitliyə qarşı davam edən müharibə və qanun pozuntusunun yaratdığı ciddi təhlükə ilə bağlı ölkəmizin mövqelərini izah edib və Birləşmiş Millətlər Təşkilatının və Baş katibin BMT Nizamnaməsinin prinsip və məqsədlərinin qorunmasında xüsusi məsuliyyətini qeyd edib.

XİN rəhbəri sionist rejim və ABŞ-ın iyun ayında ölkəmizin ərazi bütövlüyü və milli suverenliyinə qarşı hərbi təcavüzünə toxunaraq, diplomatik danışıqların gedişində İranın dinc nüvə obyektlərinə qanunsuz hücumu beynəlxalq hüququn və BMT Nizamnaməsinin kobud şəkildə pozulması kimi qiymətləndirib, təcavüzkarların məsuliyyətə cəlb edilməsinin vacibliyini vurğulayıb

Xarici işlər naziri üç Avropa ölkəsi və ABŞ-ın Birgə Hərtərəfli Fəaliyyət Planının həlli mexanizmindən sui-istifadə edərək Təhlükəsizlik Şurasının İrana qarşı müddəti bitmiş qətnamələrinin bərpası istiqamətində hərəkətlərini əsassız və qeyri-qanuni adlandırıb ki, bu da diplomatiyaya misli görünməmiş zərbədir və bu bir neçə ölkədə hər hansı xoş niyyətin olmamasına dəlalət edir.

Əraqçi vurğulayıb: İranın nüvə problemi ilə bağlı 2231 saylı qətnamə və orada nəzərdə tutulan bütün məhdudiyyətlər oktyabrın 18-də başa çatmış hesab edilməlidir.

Bu görüşdə BMT-nin baş katibi beynəlxalq problemlərin həlli üçün bütün tərəflərin diplomatiyaya sadiq qalmasının vacibliyini vurğulamış və BMT Katibliyinin bununla bağlı istənilən yardımı göstərməyə hazır olduğunu açıqlamışdır.