Venesuela hökuməti ölkədə Mərkəzi Kəşfiyyat İdarəsinin (CİA) əməkdaşlarının saxlanıldığını bildirib

Venesuela hökuməti məlumat verib ki, ABŞ Mərkəzi Kəşfiyyat İdarəsinin (CİA) rəhbərliyi altında fəaliyyət göstərən və saxta hücum təşkil etməklə hərbi qarşıdurma yaratmağa hazırlaşan bir qrup muzdlu həbs edilib.

Hökumətin yaydığı açıqlamada qeyd olunub ki, həmin qrup ABŞ-nin rəhbərliyi ilə mümkün hərbi müdaxiləyə bəhanə yaratmaq məqsədilə Venesuela ilə Trinidad arasındakı dəniz sərhədi yaxınlığında Amerika gəmisinə hücum etməyə cəhd göstərməyə hazırlaşırmış.