General Əhməd Vəhidi SEPAH-ın Baş Komandanının müavini təyin edilib

Ali Baş Komandanın fərmanı ilə general Əhməd Vəhidi İslam İnqilabı Keşikçiləri Korpusunun (SEPAH) Baş Komandanının yeni müavini təyin olunub.

SEPAH-ın yaydığı məlumata görə, Baş Komandan müavininin vəzifəsinin təhvil-təslim mərasimi çərşənbə günü, 30 dekabr tarixində keçirilib. Mərasimdə SEPAH-ın Baş Komandanı general-mayor Məhəmməd Pakpur, SEPAH-da Ali Rəhbərin nümayəndəsi höccətül-islam vəl-müslimin Abdullah Hacı Sadiqi, Ali Baş Komandanın Hərbi Ofisinin rəisi general Məhəmməd Şirazi, həmçinin bir sıra yüksək rütbəli hərbi komandirlər iştirak ediblər.SEPAH-ın Baş Komandanının yeni müavini general Əhməd Vəhidi çıxışında bu qurumun mövqeyini yüksək, üzərinə düşən vəzifəni isə son dərəcə məsuliyyətli adlandırıb. O bildirib ki, SEPAH şəhidlərin fədakarlığı əsasında formalaşmış müqəddəs bir qurumdur və bu möhkəm təməl nəzərdə tutulan nümunəvi cəmiyyətin bariz təcəssümü olmalıdır.