İran və Türkiyə ortaq sərhədlərin təhlükəsizliyini müzakirə ediblər

Türkiyə və İran ortaq sərhədlərinin təhlükəsizliyinin gücləndirilməsini, qaçaqmalçılıq və qanunsuz keçidlə mübarizəni müzakirə etdilər.

Aran radiosunun məlumatına görə,

İran və Türkiyə nümayəndə heyətləri Türkiyənin şərqindəki Ağrı əyalətində sərhəd təhlükəsizliyi və bu sahədə iki ölkə arasında əməkdaşlıq məsələlərini müzakirə etmək üçün görüşdülər.

Türkiyə nümayəndə heyətinə Ağrı valisi Öndər Bozkurt, İran nümayəndə heyətinə isə Maku sərhəd qoşunlarının komandiri polkovnik Mehdi Həbibzadə rəhbərlik edirdi.

Tərəflər sərhəd təhlükəsizliyinin artırılması, qanunsuz immiqrasiyanın qarşısının alınması, narkotik qaçaqmalçılığı ilə mübarizə və gömrük prosedurlarının potensialının artırılması yollarını müzakirə etdilər.

Onlar həmçinin Türkiyə ilə İran arasında əməkdaşlığın inkişaf etdirilməsi və sərhəd təhlükəsizliyinin gücləndirilməsi yolları barədə fikir mübadiləsi apardılar.