Çin regionda sülhün bərqərar olmasına kömək etməyə hazırdır

Çinin xarici işlər naziri Vanq Yi İranın xarici işlər naziri Seyid Abbas Əraqçi ilə görüşündə Pekinin gərginliyin azaldılması, dialoqun dəstəklənməsi və Yaxın Şərqdə sülh və sabitliyin bərqərar olmasına kömək etməyə hazır olduğunu bildirib.

 Vanq Yi Əraqçiyə xitabən deyib: Çin gərginliyin azaldılmasına və regionda sülhün bərqərar olmasına kömək etməyə hazırdır

 Xarici işlər naziri bu gün, çərşənbə günü, sentyabrın 16-da Pekinə səfər edib və Çinli həmkarı Vanq Yi ilə görüşərək ikitərəfli, regional və beynəlxalq gündəmin ən mühüm məsələlərini müzakirə edib.

İranın xarici işlər naziri Seyid Abbas Əraqçi bu gün səhər diplomatik nümayəndə heyətinin rəhbəri kimi Çinin paytaxtı Pekinə daxil olub. Xarici işlər naziri səfər çərçivəsində Çin xarici işlər naziri Vanq Yi ilə görüşərək qarşılıqlı maraq doğuran ikitərəfli, regional və beynəlxalq məsələlər barədə fikir mübadiləsi aparıb.

​

Seyid Abbas Əraqçi İran və Çin arasında qədim və möhkəm əlaqələrə toxunaraq Çini İranın yaxın dostu və strateji tərəfdaşı adlandırıb. O, qarşılıqlı hörmət və etimada əsaslanan İran-Çin hərtərəfli strateji tərəfdaşlığı çərçivəsində Tehran-Pekin strateji və dostluq münasibətlərinin hərtərəfli inkişaf etdirilməsi istiqamətində İran İslam Respublikası hökumətinin ciddi və qətiyyətli iradəsini vurğulayıb.

​

Xarici işlər naziri Tehran və Pekin arasındakı münasibətlərin əhəmiyyətini vurğulayaraq bildirib: İki ölkə arasındakı münasibətlər hər iki tərəfin liderlərinin iradəsi və mövcud siyasi etimad əsasında strateji səviyyədə inkişaf etdirilir və Tehran əlaqələrin müxtəlif sahələrdə inkişaf etdirilməsinə və möhkəmləndirilməsinə xüsusi əhəmiyyət verir.

​

İranın xarici işlər naziri vurğulayıb: İran İslam Respublikası milli suverenliyini və ərazi bütövlüyünü qətiyyətlə müdafiə etməyə, eləcə də təcavüzkarlar qarşısında milli təhlükəsizliyini və maraqlarını qorumağa tam hazır olmaqla yanaşı, İran xalqının hüquqlarını təmin edən diplomatik həll yollarını alqışlayır.

​

Çinin xarici işlər naziri də görüş zamanı Tehran-Pekin münasibətlərini hərtərəfli strateji tərəfdaşlıq əsasında mühüm adlandırıb və Pekinin əlaqələri inkişaf etdirmək və möhkəmləndirmək istəyini ifadə edib.

​

Vanq Yi ABŞ-nin İrana qarşı müharibəsini qanunsuz adlandıraraq və Çinin rəhbərliyinin mövqeyini vurğulayaraq Yaxın Şərq və Qərbi Asiyada sülh və sakitliyin bərqərar edilməsinin, məsələlərin dialoq və diplomatiya yolu ilə həll olunmasının zəruriliyini qeyd edib.

​

O, həmçinin Çinin gərginliyin azaldılması, dialoqun dəstəklənməsi, eləcə də regionda sülh və sabitliyin bərqərar olmasına kömək göstərilməsi istiqamətində rol oynamağa hazır olduğunu vurğulayıb.