ABŞ-la danışıqlar üçün etimad və öhdəliklərə əməl olunması vacibdir

İran Prezidenti Məsud Pezeşkian BMT Baş Assambleyasının 81-ci sessiyası çərçivəsində CBS telekanalına müsahibəsində Tehran–Vaşinqton münasibətləri, nüvə danışıqları, regional proseslər və sanksiyalar barədə İranın mövqeyini açıqlayıb, diplomatiyanın davam etdirilməsinə hazır olduqlarını bildirib.

İran İslam Respublikasının Prezidenti Məsud Pezeşkian Nyu-York səfəri çərçivəsində BMT Baş Assambleyasının 81-ci sessiyası zamanı Amerikanın CBS telekanalına geniş müsahibə verib. Müsahibə zamanı o, İran İslam Respublikasının daxili, regional və beynəlxalq məsələlərlə bağlı mövqelərini ətraflı şəkildə izah edib.

Prezident, həmçinin regiondakı proseslər, Tehran və Vaşinqton arasındakı münasibətlər və nüvə danışıqlarının gedişi ilə bağlı İranın mövqeyini açıqlayaraq, diplomatiya və dialoq yolunun davam etdirilməsinə hazır olduğunu vurğulayıb.

Pezeşkian əvvəlki razılaşmalarla bağlı təcrübəyə və qarşı tərəfin öhdəliklərini pozmasına toxunaraq, etimadın bərpasını və razılaşmalara praktiki şəkildə əməl olunmasını danışıqların davam etdirilməsi üçün əsas şərtlərdən biri kimi qiymətləndirib. O bildirib ki, İran beynəlxalq qanunlar və öhdəlikləri çərçivəsində nüvə məsələsi və nəzarət mexanizmləri ilə bağlı dialoqa hazırdır.

Prezident ABŞ-la danışıqlara qayıdış məsələsi ilə bağlı sualları cavablandırarkən diplomatiyanın əhəmiyyətini vurğulayıb, iki ölkə arasında münasibətlərin mövcud vəziyyətinə və yaranmış etimadsızlıq mühitinə diqqət çəkib. Pezeşkian bildirib ki, Tehran qarşılıqlı anlaşmaya nail olmaq üçün qarşı tərəfin öz öhdəliklərinə sadiq qalacağına təminat verilməsini istəyir.

Pezeşkian müsahibənin digər hissəsində İranın regiondakı proseslər, müharibə və onun nəticələri, iqtisadi sanksiyalar və daxili məsələlərlə bağlı mövqelərini açıqlayıb. O, fikir ayrılıqlarının dialoq, qarşılıqlı hörmət və beynəlxalq prinsiplər və qaydalara riayət olunması yolu ilə həll edilməsinin vacibliyini vurğulayıb.