Səudiyyə-Əmirlik koalisiyasına bağlı qüvvələrin mövqelərinə raket zərbələri endirilib

Yerli mənbələr Yəmən silahlı qüvvələri tərəfindən ölkənin qərbində Səudiyyə-Əmirlik koalisiyasına bağlı qüvvələrin toplaşdığı məntəqələrə doğru bir neçə raket və hücum PUA-sının buraxıldığını bildiriblər.

Yəməndəki səhra mənbələri çərşənbə axşamı səhər bildiriblər ki, Yəmən silahlı qüvvələri Səudiyyə muzdlularının Əl-Hudeydə əyalətinin Əl-Xuxə bölgəsindəki mövqelərinə və toplaşma məntəqələrinə, həmçinin Taiz əyalətində yerləşən strateji Əl-Muxa limanına bir neçə raket atıb.

Məlumatlı mənbələrin sözlərinə görə, hücumlar davam edib və Yəmən qüvvələri əməliyyat zamanı ballistik raketlərdən və hücum PUA-larından istifadə edib.

İlkin məlumatlara əsasən, Yəmənin qərb sahili boyunca Səudiyyə-Əmirlik koalisiyasına bağlı qüvvələrin düşərgələrində çoxsaylı partlayışlar qeydə alınıb.