Ermənistan KTMT təlimlərində iştirak etməyəcək
Sentyabrda Belarus ərazisində KTMT-nin xilasetmə bölmələrinin “Qaya-2023” təlimləri keçiriləcək. Təlimlərdə Ermənistanın iştirak etməyəcəyi bildirilir.
"Sentyabrın 1-dən 6-dək Belarusda ilk dəfə olaraq Kollektiv Təhlükəsizlik Müqaviləsi Təşkilatı (KTMT) ölkələrinin xilasetmə bölmələrinin birgə əməliyyatların koordinasiyasını artırmaq məqsədi daşıyan "Qaya-2023" xüsusi təlimi keçiriləcək. Fövqəladə Hallar Nazirliyinin bəyanatında deyilir ki, Belarus, Qazaxıstan, Qırğızıstan, Rusiya və Tacikistandan komandaların iştirakı gözlənilir.
Qeyd olunur ki, sentyabrın 4-də təlim Belarus AES-in ərazisində və Ostrovets rayonunda (Belarusun qərbindəki Qrodno rayonu) zavodda layihədən kənar qəzanın nəticələrinin inkişafı ilə başlanacaq. Eyni zamanda, sentyabrın 5-də Fövqəladə Hallar Nazirliyinin Mülki Müdafiə Universitetinin Yenidənhazırlanma və İxtisasartırma İnstitutunun Minsk vilayətindəki filialında təlimin aktiv mərhələsi keçiriləcək, burada xilasetmə və s. təcili işlər KTMT-nin Kollektiv Çevik Reaksiya Qüvvələrinə daxil olan xüsusi təyinatlı birləşmələrdən xilasetmə bölmələrinin qüvvə və vasitələri tərəfindən həyata keçiriləcək", - məlumatda deyilir.
KTMT-yə altı dövlət - Ermənistan, Belarus, Qazaxıstan, Qırğızıstan, Rusiya və Tacikistan daxildir. İyulda mətbuatda Ermənistanın xilasetmə xidmətinin işinin çoxluğu səbəbindən KTMT ölkələrinin sentyabrda Belarusda keçiriləcək təlimlərinə xilasedicilər göndərməyəcəyi barədə məlumat yayılmışdı.
Cari il may ayının 25-də də Minskdə keçirilən KTMT dövlətlərinin Müdafiə Nazirləri Şurasının (MNŞ) iclasında Ermənistanın müdafiə naziri iştirak etmədi və o vaxt Ermənistan Müdafiə nazirliyi Papikyanın Minskə getməməsinin səbəbini heç açıqlamadı da.
Ermənistan ötən ilin noyabr ayından KTMT-nin təklif etdiyi dəstək layihəsini müxtəlif səbəblərə görə rədd edib. Rusiya Xarici İşlər Nazirliyinin rəsmi nümayəndəsi Mariya Zaxarovanın dediyi kimi, hazırkı hakimiyyət KTMT sülhməramlı kontingentinin Azərbaycan-Ermənistan sərhədində yerləşdirilməsini istəmir. Üstəlik, Ermənistan KTMT-nin təlimlərini keçirməkdən və KTMT baş katibinin müavini vəzifəsindən imtina edib.
Erməni hərbi ekspert Ayk Nahapetyan bütün bunların Ermənistan hakimiyyətinin KTMT ilə münasibətləri dondurduğunun göstəricisi olduğunu bildirir.
Ekspertin sözlərinə görə, hazırda KTMT-dən çıxmaq prosesinin başlanması gündəliyə daxil edilib və bu məsələ iqtidar dairələrində pərdəarxası müzakirə olunur.
Rusiya xarici işlər naziri Sergey Lavrov Avqustun 19-da adını çəkmədiyi KTMT üzrlərinə xəbərdarlıq edərək onları KTMT çərçivəsindəki öhdəliklərini yerinə yetirməyə çağırmışdı:
“Əminik ki, müttəfiqlərimiz son vaxtlar Qərbin öz ölkələrinə artan diqqətinə kritik yanaşacaq və onların hərbi-siyasi gərginliyi artırmağa yönəlmiş planlara cəlb olunmasına imkan verməyəcəklər. Bütövlükdə, əlbəttə ki, biz gözləyirik ki, KTMT-dəki müttəfiqlərimiz bu təşkilat çərçivəsində öz öhdəliklərinə zidd addımlar atmayacaqlar”,- Lavrov deyib.
Rusiyanın xarici işlər naziri KTMT üzvlərini onu eşitməyə çağırıb: “Rusiya heç bir qonşumuza və tərəfdaşımıza heç kimlə qarşılıqlı əlaqə qurmağı qadağan etmir, lakin həmişə qanuni maraqlarımızın nəzərə alınmasını xahiş edir. Düşünürəm ki, bizi eşidirlər”,-Sergey Lavrov deyib.
Bəzi ekspertlərə görə Sergey Lavrovun bu bəyanatı Ermənistanı nəzərə alır.
