Pakistanın baş nazirinin müavini: İrana hücum, Pakistana hücum sayılır

Pakistanın baş nazirinin müavini və xarici işlər naziri Məhəmməd İshaq Dar, İran Prezidentinin İslamabada səfərini alqışlayaraq bildirib:

"İrana edilən hücum, Pakistana edilmiş hücum kimi qəbul olunur; çünki İslam ümməti bir bədən kimidir və bir üzvünə dəyən zərər bütün bədəni təsirləndirir."

Məsud Pezeşkian, Pakistan İslam Respublikasına rəsmi səfərinin ikinci gününün səhəri, İslamabaddakı iqamətgahında İshaq Dar ilə görüş və müzakirə aparıb.

Bu görüşdə Prezident Pezeşkian, sionist rejimin son təcavüzləri zamanı İran İslam Respublikasına verdiyi dəstəyə görə Pakistan hökumətinin mövqeyini yüksək qiymətləndirərək deyib:

“İsrailin qeyri-insani və anti-İslam təcavüzlərinə qarşı Pakistandan gələn dəstək açıq şəkildə hiss olundu və buna görə Pakistanlı qardaşlara təşəkkür edirik.”

O vurğulayıb ki, İslam ölkələri arasında iqtisadi, elmi və mədəni əlaqələrin gücləndirilməsi qaçılmaz bir zərurətdir və əlavə edib:

“Əgər İslam ümməti həqiqi bir vəhdət və həmrəylik yarada bilsə, sionist rejim bir daha müsəlman ölkələrinə hücum etməyə cürət etməz.”

Pezeşkian bu həmrəyliyin yalnız İsrail məsələsi ilə məhdudlaşmadığını bildirərək deyib:

“İslam ölkələrinin birliyi, hegemon güclərin zorakılığına qarşı qlobal bir modelə çevrilə bilər. Bu istiqamətdə İran və Pakistan qabaqcıl rol oynamaq gücünə malikdir.”