Qərbi Asiya bölgəsindəki 15 ABŞ hərbi bazasının fəaliyyətinə son qoyuldu

İranı devirmək və bölmək istəyi ilə müharibəyə başlayan ABŞ indi bölgədəki ən azı 15 hərbi bazası ilə vidalaşmalıdır.

Pars Today-in Fars Xəbər Agentliyinə istinadən verdiyi məlumata görə, MSNow xəbər şəbəkəsinin təhlükəsizlik üzrə analitiki Barri Makkaffri bazar günü Xsəhifəsində yazıb: "Mənim fikrimcə, ABŞ ordusu Fars körfəzindəki 15 hərbi bazasına girişini əbədi olaraq itirib". ABŞ ordusunun təqaüdçü generalı olan MSNow təhlükəsizlik analitiki mesajında ​​yazıb: İran hazırda Fars körfəzi ilə həmsərhəd olan ərəb ölkələrinə girişi nəzarətdə saxlayır və ABŞ qərbi Səudiyyə Ərəbistanı, İsrail və Cənubi Avropaya yeni giriş üçün danışıqlar aparmalıdır. Bir neçə gün əvvəl "Washington Post" qəzeti məlumatlı mənbələrə və rəsmilərə istinadən Pentaqonun müharibədən sonra Fars körfəzindəki hərbi mövcudluğunu azaltmağa çalışdığını və ABŞ-ın bölgədəki bazalarını müharibədən əvvəlki kimi yenidən qurmaq niyyətində olmadığını bildirmişdi. Pentaqonun bu addımının səbəbi İranla müharibə zamanı ABŞ hərbi texnikasına və obyektlərinə dəyən ağır ziyandır.