Putin Müxbirə zəng edib
Rusiya lideri Vladimir Putinin İran xalqına prezident seçkilərinin uğurlu keçməsini arzulayıb.
Rusiya prezidenti Vladimir Putin İran prezidentinin vəzifəsini icra edən Məhəmməd Müxbirlə telefon danışığı aparıb. Bu barədə Kremlin mətbuat xidməti məlumat yayıb.
“Rusiya Federasiyasının Prezidenti Vladimir Putin ilə İran İslam Respublikası prezidentinin vəzifəsini icra edən Məhəmməd Müxbir arasında telefon danışığı olub. Bütün əsas istiqamətlər üzrə gələcək qarşılıqlı faydalı ikitərəfli əməkdaşlıq məsələləri müzakirə edilib”, - məlumatda bildirilir.
Həmçinin bildirilir ki, Putin və Müxbir enerji sektorunda Rusiya ilə İran arasında qarşılıqlı fəaliyyətin uğurunu və irimiqyaslı infrastruktur layihələrinin həyata keçirilməsini qeyd ediblər.
Bundan əlavə, Putinin İran xalqına prezident seçkilərinin uğurlu keçməsini arzuladığı və dostluq münasibətlərinin inkişaf edəcəyinə əminliyini ifadə etdiyi vurğulanır.
