Konqresin Helsinki Komissiyasındə dinləmələr keçirilib

Konqresmenlər: ABŞ Ermənistana siyasi, iqtisadi və diplomatik dəstək verməlidir

Amerikalı qanunvericiləri Birləşmiş Ştatların Ermənistana siyasi, iqtisadi və diplomatik dəstək verməsini vacib hesab ediblər.

Helsinki Komissiyasında keçirilən müzakirələrdə həm Demokrat, həm də Respublikaçı qanunvericilər Ermənistanın təkbaşına mövcud problemlərin öhdəsindən gələ bilməyəcəyini bildiriblər.

Bir neçə ay əvvəl Ermənistanda səfərdə olan ABŞ Senatının Xarici əlaqələr komitəsinin sədri Ben Kardin deyib ki, Azərbaycan Ermənistanın işğal olunmuş ərazilərindən geri çəkilmək əlaməti göstərmir və sülh müqaviləsinin imzalanmasını gecikdirmək üçün yeni tələblər irəli sürür.

O həmçinin qeyd edib: “Azərbaycan Ermənistanın konstitusiyasını dəyişməkdə israrlıdır, bu, gülünc və lazımsızdır. Hesab edirik ki, onun məqsədi sülh sazişini təxirə salmaq və ya ləğv etməkdir”.

Ben Kardin iddia edib ki, Rusiya Ermənistan-Azərbaycan münasibətlərinin həllində maraqlı deyil və pərdə arxasında tərəflərin razılığa gəlməsinə hətta mane olur.

Bu məlumata əsasən, Konqres tərəfindən dəvət olunmuş erməni ekspert Tiqran Qriqoryan isə Ermənistanın hərbi, iqtisadi və demokratik imkanlarını gücləndirmək, Azərbaycana qarşı məhdudiyyətlər qoymaq üçün bir sıra tövsiyələr verib.

“Ən azı Ermənistana və Dağlıq Qarabağ ermənilərinə qarşı hərbi cinayətlərdə və təcavüzdə iştirak edən Azərbaycan rəsmilərinə və hərbi qulluqçularına qarşı məqsədyönlü sanksiyalar tətbiq edilməlidir”, –  deyə Qriqoryan bildirib.

Sonda müzakirədə iştirakçıları təkid ediblər ki, Vaşinqton Ermənistana siyasi, iqtisadi və diplomatik dəstək verməlidir.