رییس‌جمهور ترکمنستان حکم آزادی ۱۲۶ شهروند زندانی افغانستان را صادر کرد
ثور 28, 1399 09:41 Asia/Kabul
-
رییس‌جمهور ترکمنستان حکم آزادی ۱۲۶ شهروند زندانی افغانستان را صادر کرد
وزارت خارجه افغانستان اعلام کرد قربانقلی بردی محمدوف، رییس‌جمهور ترکمنستان حکم عفو ۱۲۶ شهروند افغان را که در آن کشور زندانی هستند، صادر کرده است.
به گزارش خبرگزاری فارس،در بیانیه این وزارت که روز (شنبه، ۲۷ ثور) منتشر شده، آمده است که حکم عفو این زندانیان با در نظرداشتن روحیه بشردوستانه و فرا رسیدن عید سعید فطر صادر شده است.
بر این اساس، قرار است زندانیان یادشده روز دوشنبه (۲۹ ثور) در بندرهای آقینه و تورغندی به مقام‌های مرزی افغانستان تحویل داده شوند.
وزارت خارجه افغانستان از حسن نیت و عفو زندانیان افغان و دیگر همکاری‌های ترکمنستان با افغانستان قدردانی کرده است.
