نشست چهار جانبه افغانستان، چین، پاکستان و نپال امروز برگزار می‌شود
اسد 06, 1399 09:06 Asia/Kabul
وزارت خارجه افغانستان اعلام کرد که نشست چهارجانبه افغانستان، چین، پاکستان و نپال امروز دوشنبه در سطح وزیران خارجه چهار کشور برگزار می‌شود.
به گزارش خبرگزاری فارس، «گران هیواد» سخن‌گوی وزارت خارجه روز یک‌شنبه، ۵ اسد گفته است که هدف از برگزاری این نشست مبارزه مشترک با شیوع ویروس کرونا، توسعه اقتصادی و گسترش همکاری‌های بین کشورهای یادشده است.
هیواد همچنان گفته است که اتصال منطقه یکی دیگر از محورهای بحث وزیران خارجه در این نشست چهارجانبه خواهد بود، به گفته وی، اتصال منطقه از اولویت‌های عمده و اساسی سیاست خارجی دولت افغانستان را تشکیل می‌دهد.
