دیدار رئیس جمهوری تاجیکستان با نماینده آمریکا در امور افغانستان
-
دیدار «رحمان» و « خلیل زاد»؛ صلح افغانستان محور رایزنی
نماینده ویژه آمریکا در امور افغانستان در سفری کاری وارد دوشنبه شد و با رئیس جمهوری تاجیکستان ملاقات کرد.
به گزارش خبرگزاری فارس ، «زلمی خلیل زاد» در دیدار با «امامعلی رحمان» رئیس جمهوری تاجیکستان درباره وضعیت کنونی افغانستان، روند مذاکرات صلح بین الافغانی گفت وگو کردند.
رئیس جمهوری تاجیکستان در این دیدار با اشاره به اهمیت توسعه روابط چند وجهی با افغانستان، بر حمایت از موضع کابل در زمینه تامین امنیت و صلح و ثبات و مذاکرات بین الافغانی که به این منظور صورت میگیرد، تاکید کرد.
مذاکرات صلح افغانستان بین دولت این کشور و گروه طالبان از 22 سنبله در دوحه، پایتخت قطر آغاز شده است، اما دو طرف هنوز نتوانسته‌اند در مورد صلح و پایان جنگ و درگیری در این کشور به توافق برسند.
سفر «زلمی خلیلزاد» به تاجیکستان درحالی صورت میگیرد که مردم افغانستان به مقامات آمریکا از جمله، خلیلزاد هیچگونه اعتمادی ندارند و آمریکائیها را عامل گسترش جنگ، تروریسم، ناامنی و تولید و قاچاق مواد مخدر در کشورشان می دانند و بارها اعلام کرده اند تنها با خروج اشغالگران، افغانستان به آرامش خواهد رسید.
