عبدالله عبدالله به تاجیکستان رفت +صوت
-
عبدالله عبدالله به تاجیکستان رفت +صوت
عبدالله عبدالله رییس شورای عالی مصالحه‌ی ملی بامداد امروز (دوشنبه، ۱ جدی ۱۳۹۹)، به سلسله‌ی سفرهای منطقه‌ای خویش برای جلب حمایت از تلاش‌های صلح به دعوت رسمی جمهوری تاجیکستان در رأس یک هيأت عالی رتبه، عازم دوشنبه گردید.
به گزارش خبرنگار رادیودری، قرار است در این سفر دو روزه به شهر دوشنبه، پایتخت تاجیکستان، عبدالله عبدالله با امام‌علی رحمان، رییس‌جمهور، قاهر رسول‌زاده، نخست وزیر، محمدطاهر ذاکرزاده، رییس مجلس نماینده‌گان و دیگر مقام‌های این کشور، دیدار و گفت‌وگو کند.
همچنین در این سفر، دربارۀ روند صلح افغانستان و چالش‌ها و فرصت‌های پیش‌رو در این زمینه بحث و گفت‌وگو خواهد شد.
پیش از این، عبدالله عبدالله رییس شورای عالی مصالحه‌ی ملی، به هدف جلب حمایت کشورهای منطقه از روند صلح افغانستان، به کشورهای پاکستان، ایران، هند، ازبکستان و ترکیه سفر نمود و با رهبران این کشورها در باره‌ی تلاش‌های صلح دیدار کرد.
