تاکید صدراعظم تاجیکستان بر حمایت از روند صلح افغانستان
صدراعظم تاجیکستان در دیدار با رییس شورای عالی مصالحه افغانستان بر حمایت از روند صلح در این کشور تاکید کرد.
به گزارش خبرنگار رادیو دری، رسولزاده صدراعظم تاجیکستان در دیدار با عبدالله عبدالله تاکید کرد کشورش از تلاشهای صلح در افغانستان حمایت میکند و صلح و ثبات در افغانستان را صلح و ثبات در تاجیکستان و منطقه میداند.
رسولزاده ابراز امیدواری کرد تلاشهای صلح به رهبری عبدالله عبدالله نتیجه بدهد.
عبدالله هم در گفتگو با صدر اعظم تاجیکستان، روابط میان دو کشور را دیرینه و تاریخی خواند و تصویر روشنی از مذاکرات صلح و حمایت منطقهای از این روند ارائه کرد.
رییس شورای عالی مصالحه برای جلب حمایت منطقهای از تلاشهای صلح امروز (دوشنبه، ۱ جدی) راهی دوشنبه پایتخت تاجیکستان شد.
عبدالله در این سفر قرار است با امامعلی رحمان؛ رییس جمهوری و سراجالدین مهرالدین؛ وزیر امور تاجیکستان نیز دیدار کند.
این چندمین سفر منطقهای عبدالله در مورد روند صلح به کشورهای همسایه و منطقه است.
او پیش از این به هدف جلب حمایت از روند صلح، به کشورهای پاکستان، ایران، هند، ازبکستان و ترکیه سفر کردهاست.