Pars Today

رئیس مجلس نمایندگان تاجیکستان و سفیر افغانستان در این کشور، در دیداری بر ضرورت توسعه همکاری‌های میان «دوشنبه» و «کابل» در زمینه های مختلف تاکید کردند.

به گزارش رادیودری، «محمدطاهر ذاکرزاده» رئیس مجلس نمایندگان تاجیکستان و «محمدظاهر اغبر» سفیر افغانستان در این کشور در این دیدار پیرامون موضوعات مختلف و روابط دوجانبه با هم گفت وگو و تبادل نظر کردند.‌

ذاکرزاده با تاکید این که تأمین امنیت و ثبات در آسیای مرکزی باعث برقراری صلح و ثبات در افغانستان و ایجاد شرایط مساعد برای توسعه می‌شود و نیز با اشاره به اشتراکات فرهنگی و زبانی دو کشور گفت: تاجیکستان همیشه در کنار مردم افغانستان قرار داشته و از تامین صلح و ثبات دائم در این کشور همسایه حمایت می‌کند.  

رئیس مجلس نمایندگان تاجیکستان همچنین سفر «میر رحمان رحمانی» رئیس پارلمان افغانستان به کشورش را مهم خواند و تصمیم ایجاد گروه دوستی پارلمانی را در راستای توسعه همکاری‌های دو کشور دوست، مفید ارزیابی کرد.

سفیر کابل در دوشنبه نیز با ابرازامیدواری برای آغاز به کار گروه دوستی پارلمانی دو کشور، خواستار تسهیل قوانین حوزه بازرگانی برای تاجران و گردشگران افغان شد.