روند صلح افغانستان، محور گفتگوی زلمی خلیلزاد و رئیس جمهور تاجیکستان

امامعلی رحمان رئیس‌جمهور تاجیکستان با زلمی خلیلزاد فرستاده ویژه آمریکا در امور صلح افغانستان دیدار و گفتگو کرد.

به گزارش رادیودری، طرفین در این دیدار جنبه های گوناگونی از وضعیت کنونی افغانستان، به ویژه روند بازگرداندن صلح و ثبات در این کشور و همچنین موضوعات منطقه ای و جهانی را مورد بحث قرار دادند.

رئیس جمهور تاجیکستان در این دیدار اظهار داشت که تاجیکستان از تلاش های دولت افغانستان برای برقراری امنیت و صلح در این کشور حمایت می کند.

زلمی خلیلزاد پیش از این با وزیر خارجه تاجیکستان نیز دیدار کرده بود.