تاکید تاجیکستان و افغانستان بر توسعه همکاری های دوجانبه

رئیس جمهوری تاجیکستان در دیدار با رئیس پارلمان افغانستان بر ضرورت توسعه همکاری‌های دوجانبه تاکید کردند.

به گزارش رادیودری به نقل از فارس، در دیدار «امامعلی رحمان» رئیس جمهوری تاجیکستان با «میر رحمان رحمانی» رئیس پارلمان افغانستان درخصوص همکاری‌های دو کشور در زمینه‌های مختلف پارلمانی، سیاسی، امنیتی، اقتصادی، تجاری، علمی و فرهنگی گفت وگو شد.

رحمان و رحمانی در این دیدار درمورد وضعیت فعلی سیاسی و نظامی افغانستان و چشم انداز تحولات آن کشور تبادل نظر و همکاری‌های عملی امنیتی بین «دوشنبه» و «کابل» را مهم ارزیابی کردند. دو طرف همچنین مبارزه علیه گروه‌های تروریستی و قاچاق مواد مخدر را نیز مهم دانستند.

رئیس جمهوری تاجیکستان با اشاره به اینکه کشورش نه تنها به لحاظ جغرافیایی بلکه از لحاظ ارزش‌های مشترک همیشه در کنار مردم افغانستان خواهد بود، تاکید کرد که تاجیکستان از اقدامات دولت و مردم کشور دوست، هم زبان و هم فرهنگ افغانستان در جهت استقرار صلح و ثبات و بازسازی کشورشان پشتیبانی خواهد کرد.

رئیس پارلمان افغانستان که به عنوان ناظر جهت شرکت در نشست مجمع پارلمانی سازمان پیمان امنیت جمعی وارد تاجیکستان شده، همچنین با «رستم امامعلی» رئیس مجلس ملی این کشور نیز ملاقات کرد.

نشست سه جانبه وزرای خارجه ایران، تاجیکستان و افغانستان؛ فرصتی نو برای تقویت همکاری های چند جانبه