اسکان بیش از هزار پناهنده افغانستانی در ولایت بدخشان تاجیکستان
-
اسکان بیش از هزار پناهنده افغانستانی در ولایت بدخشان تاجیکستان
بیش از هزار پناهنده افغان در پی حمله طالبان به بخش های گسترده از خاک افغانستان به تاجیکستان پناه آوردند.
به گزارش رادیودری، «غالب نیت بیک اف» سخنگوی والی منطقه بدخشان تاجیکستان گفت: بیشتر پناهجویان افغانستانی در آن کشور را زنان، کودکان و افراد مسن تشکیل می دهند.
به گفته نیت بیک اف، نمایندگان کمیساریای عالی پناهندگان سازمان ملل، دفتر سازمان ملل در امور امنیت به همراه نماینده دفتر هماهنگ کننده دائم سازمان ملل در تاجیکستان در دیدار با «یادگار فیض اف» والی بدخشان تاجیکستان از دولت این کشور برای پذیرفتن پناهندگان افغان قدردانی کرده اند.
والی بدخشان نیز در این باره خاطر نشان کرد: مقامات تاجیکستان با تمام ساختارهای دولتی برای تامین حداکثری پناهندگان با غذا، مسکن و خدمات پزشکی همکاری می‌کنند.
پیش از این بیش از هزار نیروی نظامی افغانستان در پی پیشروی گروه طالبان به خاک تاجیکستان گریخته بودند.
