اعلام آمادگی تاجیکستان برای پذیرش مهاجران افغان
اسد 02, 1400 08:07 Asia/Kabul
دولت تاجیکستان برای پذیرش صد هزار مهاجر افغان اعلام آمادگی کرد.
به گزارش خبرگزاری رویترز، معاون رییس کمیته امور اضطراری در دولت تاجیکستان اعلام کرد: دو محل برای اسکان آوارگان احتمالی افغان در منطقه ختلان و گورنو بدخشان در نزدیکی مرز افغانستان ایجاد شده است.
امامعلی ابراهیم زاده اضافه کرد: پیش از این تعدادی غیرنظامی و سرباز افغان به تاجیکستان پناه آورده بودند که این کشور همه آنها را به افغانستان بازگردانده است.
این موضوع درحالی اعلام شده است که درگیری نیروهای دولت کابل با شورشیان طالبان ادامه دارد و بخشهایی از مرز افغانستان و تاجیکستان تحت کنترل این گروه است.
بر طبق برآورد پنتاگون، طالبان نیمی از مراکز شهرستانهای افغانستان را تصرف کرده است.
تاکید تاجیکستان و افغانستان بر توسعه همکاری های دوجانبه