رحمان: جامعه جهانی به مشکلات افغانستان بی تفاوت نباشد
-
رحمان: جامعه جهانی به مشکلات افغانستان بی تفاوت نباشد
رییس جمهوری تاجیکستان بار دیگر از بی توجهی سازمان‌های بین المللی به سرنوشت افغانستان انتقاد کرد.
به گزارش رادیو دری، «امامعلی رحمان» رییس جمهوری تاجیکستان توجه جدی جامعه جهانی به اقدامات فوری برای حل مشکلات افغانستان را خواستار شد.
وی با تاکید بر حل مشکلات افغانستان از طریق گفتگو، درباره افزایش خشونت، وخامت زندگی مردم، شروع جنگ داخلی، فاجعه انسانی و پرورش تروریسم بین المللی در این کشور هشدار داد.
رییس جمهوری تاجیکستان افزود: مردم افغانستان که بیش از 40 سال است که در وضعیت جنگ و بی ثباتی زندگی می کنند و در یک ماه گذشته نیز اوضاع در این کشور، پیچیده تر و غم انگیزتر و باعث نگرانی جدی کشورهای منطقه و جهان شده است.
رحمان پیش از این نیز در مراسم سی امین سالگرد استقلال تاجیکستان از نهادهای بین المللی برای بی توجهی به وضعیت حقوق بشر در افغانستان و اوضاع و تحولات اخیر این کشور انتقاد کرده بود.
امامعلی رحمان: اوضاع امروز افغانستان نتیجه دخالت خارجی است
انتقاد تاجیکستان از همکاری برخی کشورها با طالبان در حمله به پنجشیر
