تاجیکستان با حضور نماینده طالبان در نشست شانگهای مخالفت کرد

تاجیکستان که امروز و فردا میزبانی اجلاس سران سازمان همکاری شانگهای را بر عهده دارد با حضور نماینده طالبان در این نشست مخالفت کرده است.

به گزارش رادیو دری، عبداللطیف پدرام رییس حزب کنگره ملی افغانستان در صفحه فیسبوکش نوشته است که تاجیکستان با حضور نماینده طالبان در نشست شانگهای موافقت نکرده است.

پدرام افزود: جمهوری تاجیکستان موضع روشن و قانونی داشت چون طالبان تا به حال از طرف هیچ کشوری به رسمیت شناخته نشده‌ است."

نشست شانگهای در شهر دوشنبه تاجیکستان امروز با حضور سران سازمان شانگهای آغاز شد و تا فردا ادامه دارد.

سازمان همکاری شانگهای سازمانی میان‌دولتی است که برای همکاری‌های چندجانبه امنیتی، اقتصادی و فرهنگی تشکیل شده‌است.

این سازمان در سال ۲۰۰۱ با همکاری چین، روسیه، قزاقستان، قرقیزستان،تاجیکستان و ازبکستان با هدف برقرار کردن موازنه در برابر نفوذ آمریکا و ناتو در منطقه  پایه‌گذاری شد.

افغانستان بارها خواستار دریافت عضویت کامل این سازمان شده است، اما تا کنون به عنوان عضو ناظر باقی مانده است.

ایران، پاکستان، هند و مغولستان دیگر اعضای ناظر این سازمان هستند.

برگزاری نشست سازمان همکاری شانگهای در غیاب افغانستان

رحمان: تاجیکستان نمی تواند به سرنوشت افغانستان بی تفاوت باشد