اتهام طالبان ضد دولت تاجیکستان

دولت موقت طالبان در افغانستان، تاجیکستان را به دخالت در امور داخلی آن کشور متهم کرد.

«ملا عبدالغنی برادر»  معاون دولت موقت گروه طالبان در افغانستان در گفتگو با شبکه تلویزیونی الجزیره گفت: تاجیکستان با دخالت در امور افغانستان  با هر اقدامی در این کشور مخالفت می کند.

«عبدالسلام حنفی» یکی دیگر از مقامات ارشد گروه  طالبان هم اظهارات رئیس جمهور تاجیکستان مبنی بر تشکیل دولت جدید در افغانستان را محکوم کرد.

حنفی افزود: تاجیکستان نباید در امور افغانستان دخالت کند.

"امام‌علی رحمان" رئیس جمهور تاجیکستان چند روز پیش در سخنرانی خود در مجمع عمومی سازمان ملل متحد ضمن انتقاد از سکوت سازمان‌های حقوق بشری درباره "فاجعه انسانی" در افغانستان، بر ضرورت تشکیل دولت فراگیر و برگزاری همه‌پرسی برای تعیین ساختار دولت این کشور تاکید کرد.

گروه طالبان از 15 اوت/24اسد قدرت را در افغانستان بدست گرفته  و هفتم سپتامبر/16سنبله هم  کابینه موقت خود را معرفی کرده است.

امامعلی رحمان خواستار تشکیل دولت فراگیر در افغانستان شد