تجمع نیروهای نظامی در مرز مشترک افغانستان- تاجیکستان
-
تجمع نیروهای نظامی در مرز مشترک افغانستان- تاجیکستان
نیروهای نظامی تاجیکستان و افغانستان تحت کنترل گروه طالبان، در مرز مشترک در حال صف‌آرایی هستند.
به گزارش رادیو دری، به گفته منابع آگاه در روسیه، مسکو درباره تجمع نیروهای تاجیکستان و افغانستان در مرز مشترک دو کشور گزارش هایی دریافت کرده است.
الکسی زایتسف معاون بخش اطلاعات و مطبوعات وزارت امور خارجه روسیه تاکید کرد، این کشور پس از اظهارات تند مقامات تاجیکستان و افغانستان، با نگرانی تنش فزاینده بین دو کشور را دنبال می‌کند.
این مقام روسی دو طرف را به رفتارمسئولانه دعوت کرد.
گفتنی است عبدالسلام حنفی نایب رییس دولت موقت طالبان پیش تر از تاجیکستان خواسته بود که در امور داخلی افغانستان دخالت نکند.
ذبیح الله مجاهد سخنگوی طالبان از استقرار ده‌ها هزار نیروی ویژه در ولایت تخار در مرز با تاجیکستان خبر داده بود.
طالبان بلافاصله پس از کسب قدرت در 15 اوت/24 اسد اعلام کرد، افغانستان تحت کنترل این گروه، تهدیدی برای هیچ کشوری نخواهد بود.
