تاکید یک مقام طالبان بر تقویت روابط حسنه با تاجیکستان
-
تاکید یک مقام طالبان بر تقویت روابط حسنه با تاجیکستان
عضو کمیسیون فرهنگی وزارت اطلاعات و فرهنگ طالبان، تاجیکستان را همسایۀ خوب افغانستان دانست و بر تقویت روابط حسنه با این کشور تاکید کرد.
به گزارش رادیو دری، روح الله عمر عضو کمیسیون فرهنگی طالبان گفته است که تاجیکستان همسایه خوب افغانستان است و کابل اجازه نمی‌دهد که از خاک افغانستان علیه هیچ کشور دیگری استفاده شود.
وی گفت: وزارت خارجه افغانستان با تمام کشورها در ارتباط است و برای برقراری روابط خوب تلاش می‌کند.
این مقام طالبان ابراز امیدواری کرد اختلافات پیش آمده با تاجیکستان از طریق گفت‌وگو حل شود.
این درحالی است که به دنبال تنش‌های اخیر در روابط تاجیکستان و گروه طالبان، عبور و مرور از مرز دو کشور متوقف شده است و شماری از کسانی که می‌خواهند از مرز بگذرند روزهاست برای باز شدن مرز افغانستان با تاجیکستان منتظرند.
همچنین برخی گزارش ها حاکی است طالبان شماری از نیروهای نظامی خود را در مرز با تاجیکستان مستقر کرده است.
اختلافات تاجیکستان با حکومت طالبان در پی حمایت دولت دوشنبه از جبهه تاجیکان مخالف با طالبان در افغانستان به وجود آمده است.
