حبس ده‌ها خلبان افغانستانی در تاجیکستان
-
حبس ده‌ها خلبان افغانستانی در تاجیکستان
حدود ۱۵۰ خلبان و کمک خلبان ارتش افغانستان در تاجیکستان زندانی هستند.
این افراد بعد از سقوط دولت پیشین افغانستان، به تاجیکستان رفتند که در آنجا بازداشت شدند.
به گزارش رادیودری به نقل از روزنامه نیویورک تایمز روز یک‌شنبه گزارش داد: دست‌کم ۱۴۳ خلبان و کمک‌خلبان ارتش پیشین افغانستان که در روز سقوط به تاجیکستان رفته بودند، در این کشور بازداشت شده اند.
یکی از خلبانان بازداشت شده در تاجیکستان به این رسانه گفت: در حال حاضر چندین هزار خلبان و خدمه هواپیما و کارکنان نیروهای هوایی دیگر افغانستان پنهان شده‌اند و احساس می‌کنند توسط ارتش امریکا، رها شده‌اند.
این خلبان بازداشت شده نیروی هوایی ارتش افغانستان به نیویورک تایمز گفته است: «ما به ارتش و دولت امریکا اعتماد داشتیم که به ما کمک می‌کنند امااینطور نشد.»
در همین حال ژنرال دیوید هیکس، از مربیان نیروهای هوایی ارتش افغانستان گفت: ما متوجه شدیم که هیچ برنامه‌ای از سوی امریکا برای حل مشکل خلبانان محبوس دولت سابق افغانستان در تاجیکستان وجود ندارد.»
با این حال روزنامه هشت صبح افغانستان نوشت؛ وزارت امور خارجه امریکا خاطرنشان کرده است که با حکومت تاجیکستان برای خروج خلبانان نیروهای ارتش پیشین افغانستان مطابق جدول تعیین شده، ارتباط منظم دارد.
