رعایت احکام شرعی، شرط کار در ادارات افغانستان

معاون وزارت خارجه‌ی دولت موقت طالبان می‌گوید شهروندان با اجرای احکام شرعی و رعایت حدود، می‌توانند در ادارات دولتی مشغول به کار شوند.

به گزارش رادیودری، شیرمحمد عباس استانکزی، معاون وزارت خارجه‌ی طالبان، امروز (دوشنبه) در دیدار با مسئولان محلی طالبان در ولایت نیمروز گفت: شهروندان تنها با اجرای احکام شرعی و رعایت حدود، می‌توانند در ادارات دولتی مشغول به کار شوند.

این درحالی است که روز گذشته مولوی عبدالکبیر، معاون سیاسی رئیس دولت طالبان در دیدار با سید محمدعلی جاوید، رهبر حزب حرکت اسلامی افغانستان و جمعی دیگر از مسئولان شیعه در کابل گفته بود که تلاش می‌کنند تا زمینه‌ی خدمت را برای «افغان‌های اهل» فراهم کنند.

او تعریف واضح از «اهل و نااهل» بودن افراد نزد طالبان ارایه نکرده، اما گفته بود که افغانستان خانه‌ی مشترک همه افغان‌ها است و آغوش طالبان برای همه باز است.

ادامه کار زنان در شماری از ادارات افغانستان

ادارات دولتی افغانستان از امروز به شرایط عادی برمی‌گردند