هفدهمین محموله ۳۲ میلیون دلاری پول نقد به افغانستان رسید
حوت 15, 1400 20:34 Asia/Kabul
-
هفدهمین محموله ۳۲ میلیون دلاری پول نقد به افغانستان رسید
در ادامه کمک‌های بشردوستانه نقدی، بانک مرکزی افغانستان اعلام کرده است که یک بسته ۳۲ میلیون دلاری دیگر را دریافت کرده است.
به گزارش رادیو دری، هفدهمین بسته کمکی پول نقد امروز یک‌شنبه، ۱۵ حوت به بانک بین‌المللی افغانستان تحویل داده شده است.
بانک مرکزی افغانستان از ادامه کمک‌های بشردوستانه جهانی قدردانی کرده و از کشورهای جهان خواسته است که در بخش ایجاد تسهیلات بانکی با افغانستان همکاری کنند.
پیش از این نیز ۱۶ بار بسته‌های کمکی پول نقد به بانک مرکزی افغانستان تحویل داده شده است.
