درگیری نیروهای طالبان با مرزبانان تاجیکستان

منابع مردمی در ولسوالی امام صاحب قندوز از وقوع درگیری میان نیروهای طالبان و مرزبانان تاجیکستان خبردادند.

به گزارش رادیودری یک ساکن ولسوالی امام صاحب که خواست هویتش فاش نشود، روز گذشته (یکشنبه، ۲۵ ثور) گفت که این درگیری در نزدیکی بندر شیرخان رخ داده و برای چهار ساعت ادامه داشته است.

به گفته‌ی این منبع، این درگیری در پی تنش لفظی میان نیروهای مرزی تاجیکستان و طالبان رخ داده است. او افزود که اول طالبان شلیک کرده‌اند.

مسئولان محلی طالبان در قندوز این درگیری را تأیید نکرده‌اند. تاجیکستان هم تاکنون در این زمینه چیزی نگفته‌اند.