توماس وست برای دیدار با مخالفان طالبان به دوشنبه رفت

توماس وست نماینده ویژه امریکا برای افغانستان در ادامه سفر منطقه‌ای خود به منظور دیدار با چهره‌های ضد طالبان به دوشنبه پایتخت تاجیکستان سفر کرد.

به گزارش رادیو دری، توماس وست  با استقبال سراج‌الدین مهر‌الدین وزیر امور خارجه تاجیکستان به شهر دوشنبه وارد شد و سپس با وی  در مورد تحولات افغانستان و همچنین مبارزه با تروریسم و افراطگرایی گفت‌وگو کرد.

 برخی گزارش‌ها حاکی از آن است که نماینده ویژه امریکا در امور افغانستان قصد دارد با شماری از چهره‌های سیاسی افغانستان به ویژه با احمد مسعود رهبر جبهه پنجشیری‌های ضد طالبان در دوشنبه ملاقات کند.

توماس وست در سفر منطقه‌ای خود پیش از این به کشورهای ترکیه و ازبکستان رفته و با برخی از چهره‌های سیاسی افغانستان در این دو کشور دیدار و گفت‌وگو کرده بود.

احمد مسعود در تاجیکستان است

احمد مسعود بر تشکیل شورای عالی مقاومت افغانستان تاکید کرد