ابراز اطمینان مقامهای محلی تخار از امنیت در مرز افغانستان و تاجیکستان
سرپرست قوماندانی امنیه ولایت تخار گفت با هماهنگی اردوی ملی و پولیس سرحدی، آمادگی لازم را در سرحدات گرفته اند و در حال حاضر هیچ نگرانی امنیتی در مرز میان ولایت تخار و تاجیکستان وجود ندارد.
به گزارش عبدالسمیع خاوری خبرنگار رادیو دری، قاری ذکرالله ذاکر سرپرست قوماندانی امنیه ولایت تخار میگوید پس از روی کار آمدن "امارت اسلامی" چندین قاچاقبر مواد مخدر در مرز این ولایت با تاجیکستان بازداشت شده اند و قاچاق مواد مخدر در سرحدات این ولایت به صفر رسیده است.
شش ولسوالی تخار در ماوارای کوکچه با کشور تاجیکستان هم مرز است.
باشندگان تخار نیز خواهان آن هستند که حکومت با همسایه ها روابط حسنه برقرار کند تا دیگر شاهد رویدادهایی چون حملات توپخانه ای تاجیکستان نباشند.
مسوولان امنیتی تخار میگویند اکنون بیشتر نیروهای امنیتی این ولایت را در سرحدات مستقر کرده اند.
امنیت مرزهای تاجیکستان با افغانستان؛ محور دیدار مقامهای تاجیکستان و آمریکا
