تاکید مجدد بر بازگرداندن هواپیماهای افغانستانی از ازبکستان و تاجیکستان

سرپرست وزارت دفاع حکومت موقت طالبان بار دیگر از کشورهای تاجیکستان و ازبکستان خواست بالگردها و هواپیماهای نظامی دولت سابق افغانستان را به این کشور بازگردانند.

به گزارش رادیو دری، «محمد یعقوب مجاهد» سرپرست وزارت دفاع طالبان در نشست خبری در کابل تاکید کرد:  این بالگردها متعلق به افغانستان است و تلاش برای بازگرداندن آنها به این کشور ادامه دارد.

این مقام طالبان افزود:  کشورهای تاجیکستان و ازبکستان می‌گویند که آمریکایی‌ها نمی گذارند این بالگردها را به افغانستان برگردانیم. 

در ماه می گذشته، «جان مارک پامرشایم» سفیر آمریکا در تاجیکستان گفته بود کشورش هیچ برنامه‌ای برای تحویل این اموال به طالبان ندارد، زیرا این تجهیزات متعلق به طالبان نیست.

تاکنون طالبان بارها  از تاجیکستان و ازبکستان درخواست بازگرداندن بالگرد و هواپیماهای نظامی را مطرح کرده است.

همزمان با به قدرت رسیدن طالبان در افغانستان در اوت 2021،  دهها فروند بالگردها و هواپیماهای نظامی افغانستان به کشورهای ازبکستان و تاجیکستان منتقل شدند. 

ازبکستان چندی پیش انتقال حدود 50 فروند هواپیما و بالگرد نیروی هوایی افغانستان به این کشور را تایید کرد.

طالبان خواستار بازگرداندن بالگردهای افغانستان از تاجیکستان و ازبکستان شد

درخواست ازبکستان و تاجیکستان از آمریکا برای نگهداری هواپیماهای افغانستان