امامعلی رحمان:در مرز افغانستان و تاجیکستان، نیروهای انتحاری مستقر هستند
میزان 23, 1401 09:01 Asia/Kabul
-
امامعلی رحمان:در مرز افغانستان و تاجیکستان، نیروهای انتحاری مستقر هستند
رئیس جمهوری تاجیکستان از حضور شبه نظامیان و نیروهای انتحاری در مرزهای افغانستان با کشورش ابراز نگرانی کرد.
به گزارش رادیو دری؛ امامعلی رحمان در نشستی با سران روسیه و کشورهای آسیای مرکزی مدعی شد: «در افغانستان ده‌ها هزار "مجاهد" به شمول "بمب‌گذاران انتحاری" آموزش می‌بینند.»
او افزود: «بیش از ۱۲ گروه تروریستی در افغانستان حضور دارند و ما شاهد گسترش فعالیت گروه‌های مختلف تروریستی و افراطی در این کشور هستیم.»
این اظهارات رحمان در حالی است که مقام های طالبان حضور نظام‌مند گروه‌های تروریستی از جمله داعش را در خاک افغانستان رد می کنند.
امنیت مرزهای تاجیکستان با افغانستان؛ محور دیدار مقام‌های تاجیکستان و آمریکا
