مجاهد: دست مخالفان طالبان به بالگردهای افغانستان نخواهد رسید

سخنگوی حکومت طالبان تأکید کرد: هواپیماها و بالگردهایی که پس از سرنگونی دولت سابق به کشورهای همسایه انتقال یافته، متعلق به مردم افغانستان است.

به گزارش رادیو دری، ذبیح الله مجاهد با اشاره به مالکیت مردم افغانستان بر بالگردها و هواپیماهای منتقل شده از دولت پیشین به کشورهای همسایه گفت: «بالگردهایی که در پی سرنگونی دولت پیشین افغانستان به کشورهای ازبکستان و تاجیکستان انتقال داده شده است، هیچ گاه به دست مخالفان نظام حاکم در این کشور نخواهد رسید».

وی اضافه کرد: رایزنی‌هایی با کشورهای ازبکستان و تاجیکستان برای چگونگی بازگرداندن این بالگردها صورت گرفته است.

برخی گزارش‌ها از انتقال بیش از 40 فروند هواپیما و بالگرد نظامی به کشورهای همسایه افغانستان پس از سقوط دولت غنی حکایت دارد.

این در حالی است که بر اساس برخی آمارهای منتشر شده تا پیش از سقوط حکومت پیشین افغانستان، این کشور مجهز به بیش از 164 فروند هواپیما و بالگرد نظامی بوده است.

بعضی فرماندهان سنتکام (فرماندهی مرکزی نیروهای آمریکایی) اخیرا در اظهاراتی مداخله جویانه گفته اند که هواپیماهای نظامی منتقل شده از افغانستان به تاجیکستان به دولت حاکم کنونی در افغانستان سپرده نمی‌شود.

مقام طالبان: بیش از ۴۰ چرخبال افغانستان به تاجیکستان و ازبکستان منتقل شده‌ است

واگذاری هواپیماهای افغانستان به تاجیکستان و ازبکستان

تاکید مجدد بر بازگرداندن هواپیماهای افغانستانی از ازبکستان و تاجیکستان