طالبان به دنبال تصدی مسئولیت نمایندگی‌های دیپلماتیک

حکومت طالبان می‌گوید: تاکنون نمایندگان سیاسی خود را به ۱۴ کشور اعزام کرده و تلاش دارد تصدی سایر سفارتخانه‌های افغانستان را نیز به دست گیرد.

به گزارش رادیو دری، ذبیح الله مجاهد سخنگوی حکومت طالبان با بیان اینکه این حکومت دیپلمات‌های خود را به 14 کشور ازجمله ایران، ترکیه، پاکستان، روسیه، چین و قزاقستان فرستاده است، گفت: تلاش داریم تصدی سایر سفارتخانه‌های افغانستان را نیز به دست بگیریم.

درهمین حال وزارت خارجه حکومت طالبان اعلام کرد، به تازگی هیاتی به نمایندگی از حکومت مستقر از کنسولگری افغانستان دراستان بدخشان تاجیکستان بازدید کرده است.

با این حال محمدظاهر اغبر، سفیر افغانستان در دوشنبه که از سوی حکومت پیشین گماشته شده بود، می‌گوید که تغییری در امور کنسولگری افغانستان در بدخشان تاجیکستان بوجود نیامده است.

اغبر مدعی شده است موضع کشور تاجیکستان در قبال حکومت طالبان شفاف و بدون ابهام است.

طالبان به ۱۴ کشور جهان دیپلمات فرستاده است