سفر هیأت وزارت صنعت و تجارت طالبان به تاتارستان روسیه

سرپرست وزارت صنعت و تجارت حکومت طالبان در رأس یک هیأت به منظور شرکت در چهاردهمین گردهمایی اقتصادی به تاتارستان روسیه رفت.

به گزارش زهرا سلطانی خبرنگار رادیو دری، احمد ضیاء تکل معاون سخنگوی وزارت امور خارجه طالبان می‌گوید امروز چهارشنبه (27 ثور) نورالدین عزیزی و هیات همرا‌هش برای اشتراک در چهاردهمین گردهمایی بین‌المللی اقتصادی تحت عنوان دنیای اسلام-روسیه KazanForum-2023 به جمهوری تاتارستان رفته است.

به گفته وی، عزیزی در این نشست درباره فرصت‌های اقتصادی، سرمایه گذاری و آموزشی با مقامات روسیه، مقامات کشورهای دیگر و شرکت‌های بزرگ دیدار و گفت‌وگو خواهد نمود.

این سفر به دعوت رسمی مینیخانوف رئیس جمهور تاتارستان برای اشتراک در چهاردهمین گردهمایی اقتصادی صورت گرفته است.

دیدار سرپرست وزارت صنعت و تجارت طالبان با اتاق صنعت و تجارت روسیه