افغانستان خواهان همکاری با تاجیکستان در مبارزه با تروریسم شد
رئیس شورای اجرایی دولت وحدت ملی افغانستان گسترش همکاریهای دوجانبه با دولت تاجیکستان را برای مبارزه با تروریسم خواستار شد.
به گزارش خبرگزاری مهر؛«عبدالله عبدالله» رئیس شورای اجرایی دولت وحدت ملی افغانستان در دیدار«شرفالدین امام اف» سفیر تاجیکستان در افغانستان از دولت تاجیکستان خواست تا با افغانستان در مبارزه با تروریسم همکاری کند.
رئیس شورای اجرایی دولت وحدت ملی افغانستان با ابراز خرسندی از روابط دوستانه میان کابل - دوشنبه گفت، دولت وحدت ملی افغانستان بر اساس حُسن همجواری، احترام مقابل، روابط سازنده با کشورهای همسایه و منطقه همکاری میکند و در این زمینه تاجیکستان از همسایگان خوب افغانستان است.
عبدالله با اشاره به شرایط حساس منطقهای نیز گفت، تروریسم و افراط گرایی تهدید بزرگ برای تمام کشورهای منطقه به ویژه کشورهای آسیای مرکزی است که افغانستان خود در خط مقدم مبارزه ضد تروریسم است.
رئیس شورای اجرایی دولت وحدت ملی افغانستان تاکید کرد، دولت کابل امیدوار است که تمام کشورها از جمله تاجیکستان برای مقابله با تروریسم با حکومت وحدت ملی همکاری جدیتر و بیشتری داشته باشند.
سفیر تاجیکستان در کابل نیز گفت، دوشنبه آماده همکاری بیشتر برای تقویت روابط اقتصادی، تجاری و ترانزیتی بادولت وحدت ملی افغانستان است تاازفرصتهای موجود برای رشد اقتصادی و سرمایهگذاری در هر دو کشور استفاده بهینه صورت گیرد.