اعزام دیپلمات های طالبان به تاجیکستان
-
اعزام دیپلمات های طالبان به تاجیکستان
دیپلمات های وزارت امور خارجه حکومت طالبان برای فعالیت در سفارت این کشور در تاجیکستان، عازم دوشنبه می شوند.
به گزارش رادیو دری به نقل از رسانه‌های افغان روز سه شنبه اعلام کرد که وزارت خارجه حکومت طالبان در نامه‌ای «فیض الله» را به عنوان دبیر اول سفارت این کشور در تاجیکستان تعیین کرده است.
بر اساس این نامه، حکومت کابل متعهد شده تا حقوق معوقه کارمندان سفارت افغانستان در تاجیکستان را نیز پرداخت کند.
این درحالی است که تاجیکستان رابطه نزدیکی با برخی مخالفان حکومت طالبان دارد.
سفیر حکومت پیشین افغانستان در «دوشنبه» بارها علیه مقامات کنونی کابل موضع گرفته است.
با این حال، حکومت طالبان از سوی تاجیکستان به رسمیت شناخته نشده است اما قصد دارد با اعزام چند دیپلمات به حضور در این کشور رسمیت دهد.
وزارت خارجه طالبان در این نامه از سفارت افغانستان خواسته است تا موضوع اعزام دیپلمات جدید را به دولت تاجیکستان اطلاع دهد.
هنوز مشخص نیست که در صورت همکاری سفارت افغانستان در دوشنبه، دولت تاجیکستان دیپلمات های طالبان را بپذیرد.
