تاجیکستان ۷۵ پاسگاه در مرز با افغانستان ساخته است

رئیس جمهور تاجیکستان با اشاره با تامین امنیت مرزهای کشورش با افغانستان اظهار داشت که در مرزهای مشترک ۷۵ پاسگاه تاکنون ساخته شده است.

به گزارش رادیو دری، «امامعلی رحمان» رئیس جمهور تاجیکستان ضمن تاکید بر تامین امنیت بیشتر مرزهای کشورش با افغانستان گفت: 75 پاسگاه امنیتی طی یک سال اخیر در مرزهای مشترک ساخته شده است.

ریاست جمهوری تاجیکستان اواخر ماه اسد سال جاری نیز در اطلاعیه‌ای اعلام کرده بود پاسگاه‌هایی با تجهیزات مدرن در منطقه «بدخشان»، «مرغاب»، «اشکاشم»، «روشان»، «فرخور»، «شمس‌الدین شاهین» و پنج منطقه «ختلان» به بهره برداری رسیده‌اند.

امامعلی رحمان نیز در سفر به منطقه خودمختار «گورنو» در بدخشان در نزدیکی افغانستان، تاکید کرده بود: مرزبانان به عنوان سپری قابل اعتماد، باید مرزهای تاجیکستان را در برابر همه تهدیدات و خطرات جدید به ویژه قاچاق مواد مخدر و جنایات فراملی حفظ کنند.

با این حال، حکومت طالبان بارها تاکید کرده است که افغانستان امن است و از خاک این کشور هیچ کسی تهدید نمی‌شود.